பிக்பாஸ் 8,கடந்த 2024ம் வருடம் அக்டோபர் மாதம் தொடங்கிய நிகழ்ச்சி. நிறைய நாம் தினமும் பார்த்து ரசித்த சின்னத்திரை பிரபலங்கள் பிக்பாஸ் 8 நிகழ்ச்சியில் கலந்துகொண்டனர். 8வது சீசன் டைட்டிலை முத்துக்குமரன் வென்று பெரிய பரிசுத் தொகையையும் வென்றுள்ளார். ரசிகர்களால் கொண்டாடப்பட்ட போட்டியாளர்களில் சிங்கப்பெண் ஜாக்குலினும் உள்ளார்.
பிக்பாஸ் 8 முடிந்ததில் இருந்து போட்டியாளர்கள் நிறைய பேட்டிகள் கொடுத்து வருகிறார்கள். அப்படி ஒரு பேட்டியில் ஜாக்குலினிடம் அவருக்கு வந்த ஒரு கமெண்ட் குறித்து கேள்வி கேட்கப்பட்டது. பேட்டியில், ஒரு ரசிகர் நீ Lesbian ஆ என ஒரு கமெண்ட் போட்டுள்ளார், இதுகுறித்து ஜாக்குலினிடம் கேள்வி கேட்கப்பட்டது. அதற்கு அவர், எப்போது 3 பிரண்ட்ஸ் ஒன்றாக போட்டோ போட்டாலே அப்படி தான் போடுவார்கள்.
வாழ்க்கையில் என்ன நடக்கிறது என நாம் யோசிப்பதற்குள்ளேயே இன்னொருவர் ஒரு விஷயம் கூறும்போது, நீ அப்படி தான் யோசிப்பியா, ஏன் அப்படி ஒரு மோசமான கமெண்ட் எனக்கு தோன்றும். தொகுப்பாளரை பார்த்து, நீயும் நானும் போட்ட புகைப்படத்திற்கு கூட அப்படியெல்லாம் கமெண்ட் போட்டுள்ளார்கள். அந்த கமெண்ட் பார்க்கும் போது, பைத்தியமாடா நீ, அவளுக்கு ஏற்கெனவே கல்யாணம் ஆகி புருஷன் இருக்காரு என நினைப்பேன் என்று கூறியுள்ளார்.
