அமெரிக்காவில் இருந்து இறக்குமதி செய்யப்படும் மதுபானங்களுக்கு இந்தியாவில் 150% வரி விதிக்கப்படுவதாக வெள்ளை மாளிகையின் செய்தித் தொடர்பாளர் கரோலின் குற்றம் சுமத்தியுள்ளார்.
விவசாய பொருட்களுக்கு இந்தியாவில் 100 சதவீதம் வரி விதிக்கப்படுவதாகவும் அவர் சுட்டிக்காட்டியுள்ளார்.
அமெரிக்க வணிகம் மற்றும் தொழிலாளர்களின் நலனை பாதுகாக்கும் ஜனாதிபதி நமக்கு கிடைத்துள்ளதாகவும் அவர் சுட்டிக்காட்டியுள்ளார்.
எங்கள் நாட்டு பொருட்களுக்கு இந்தியா உள்ளிட்ட நாடுகள் அதிக வரியை விதிப்பதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
எங்கள் நாட்டு பொருட்களுக்கு விதிக்கட்டும் வரிகளுக்கு நிகரான வரிகளை அமெரிக்காவும் அந்தந்த நாடுகளுக்கு விதிக்கும் என்றும் அவர் எச்சரித்துள்ளார்.
ஏப்ரல் 2ஆம் திகதி இந்தியா, சீனா மீதான பரஸ்பர வரி விதிப்பு நடைமுறைக்கு வரும் என அவர் கூறியுள்ளார்.
