நீளமான, பொலிவான கூந்தல் வேண்டும் என்ற விருப்பம் அனைவருக்கும் இருக்கும். தற்போது மாறி வரும் உணவு மற்றும் வாழ்க்கை பழக்கம், தூசி உள்ளிட்ட பிரச்சனைகளால் முடி உதிர்வு, இளநரை, பொடுகு உள்ளிட்ட பிரச்சனைகள் அதிகரித்து வருகிறது.
பிரச்சனைகளை சரி செய்து முடி உதிர்வை கட்டுப்படுத்தும் எண்ணெய்கள் குறித்து இங்கு காண்போம். தேங்காய் எண்ணெய் முடி வளர்ச்சிக்கு ஒரு பிரபலமான தேர்வாகும், தேங்காய் எண்ணெயில் அத்தியாவசிய கொழுப்பு அமிலங்கள் மற்றும் வைட்டமின்கள் உள்ளன. முடி வேர்களுக்கு தேவையான ஊட்டச்சத்தை அளிக்கிறது.
தொடர்ந்து தேங்காய் எண்ணெய் பயன்படுத்துவதால் உங்கள் முடி வேகமாகவும், அடர்த்தியாகவும், நீளமாகவும் வளரும். ஆர்கான் எண்ணெயில் வைட்டமின் ஈ மற்றும் கொழுப்பு அமிலங்கள் நிறைந்துள்ளன, இது முடி வளர்ச்சியை ஊக்குவித்து முடியின் வலிமையை மேம்படுத்தவும் உதவும்.
ஆர்கான் ஆயில் மயிர்க்கால்களை ஆழமாக ஈரப்பதமாக்குகிறது மற்றும் ஊட்டமளித்து முடி வளர்ச்சியை ஊக்குவிக்கிறது. ஆலிவ் எண்ணெய் ஆன்டிஆக்ஸிடன்ட்கள் மற்றும் வைட்டமின்களின் வளமான மூலமாகும், இது முடி வளர்ச்சியைத் தூண்டவும் மற்றும் முடி சேதத்தைத் தடுக்கவும் உதவும்.
ஆலிவ் எண்ணெயில் முட்டையை கலந்து பயன்படுத்தினால் முடி வளர்ச்சி அடர்த்தியாக இருக்கும். ஆமணக்கு எண்ணெயில் வைட்டமின் ஈ மற்றும் கொழுப்பு அமிலங்கள் நிறைந்திருப்பதால், இது மயிர்க்கால்களின் வேர்களை வலுப்படுத்துகிறது.
முடி வளர்ச்சிக்குத் தேவையான இரத்த ஓட்டத்தை அதிகரிக்கிறது. மேலும் இது முடியை ஈரப்படுத்தவும், வலுப்படுத்தவும் உதவி ஆரோக்கியமான வளர்ச்சியை ஊக்குவிக்கிறது. டீ -ட்ரீ எண்ணெய் எரிச்சலூட்டும் உச்சந்தலையை ஆற்றவும் ஆரோக்கியமான முடி வளர்ச்சியை ஊக்குவிக்கவும் உதவும். டீ -ட்ரீ எண்ணெய்யில் உள்ள பாக்டீரியா எதிர்ப்பு பண்புகள் மற்றும் பூஞ்சை எதிர்ப்பு பண்புகள், தலையில் உள்ள பொடுகைக் குறைக்க உதவுகின்றன.
