உயிர்த்த ஞாயிறு தாக்குதலை சாதகமாக மாற்றி ரணில் விக்ரமசிங்க ஆட்சியை தக்கவைத்துக்கொண்டார் என கொழும்பு பேராயர் கர்தினால் மெல்கம் ரஞ்சித் ஆண்டகை குற்றம் சுமத்தியுள்ளார். ரணில் ஆட்சியில் பாதிக்கப்பட்டவர்களுக்கு செய்யாத நீதியையும் நியாயத்தையும் அரசாங்கம் செய்யும் என்று நம்புகின்றேன்
கருத்து தெரிவித்த அவர், உயிர்த்த ஞாயிறு தாக்குதலுக்கு முந்தைய அரசாங்கங்களைப் போலவே தற்போதைய அரசாங்கமும் நீதி வழங்கும் பொறுப்பை புறக்கணித்தால், எதிராக செயல்பட தயங்க மாட்டேன். மறைக்கப்பட்ட உயிர்த்த ஞாயிறு விசாரணை முறையாக நடத்தப்பட வேண்டும். குற்றங்களில் நேரடியாகவோ அல்லது மறைமுகமாகவோ தொடர்புடைய அனைவருக்கும் சட்ட நடவடிக்கை எடுக்கப்படும்.
வாக்குறுதியின் அடிப்படையில், ஜனாதிபதி தலைமையிலான பொறுப்பான நபர்கள் பேராயரின் இல்லத்திற்கு வந்து மாற்றத்தை ஏற்படுத்த வேண்டும் என்று கடந்த தேர்தல் காலத்தில் அறிவித்தனர். வாக்குறுதியை நிறைவேற்ற புதிய அரசாங்கத்திற்கு போதுமான அவகாசம் வழங்கப்பட வேண்டும். ஆரம்ப கட்டத்தில் விசாரணையை நடத்திய குற்றப் புலனாய்வுத் துறை அதிகாரிகள் விசாரணையை மீண்டும் தொடங்கியுள்ளனர் என்றும், நீதி நிலைநாட்டப்படும் என்ற நம்பிக்கை உள்ளது.
குண்டுவெடிப்புகள் சஹாரன் ஹாஷிம் உட்பட ஒரு சிலரின் உத்தரவின் பேரில் நடத்தப்படவில்லை என்றும், அதன் பின்னால் பல வலுவான கரங்கள் இருக்கின்றன. வழக்கை விசாரித்த குற்றப் புலனாய்வுத் துறையின் 21 அதிகாரிகள் விசாரணையிலிருந்து நீக்கப்பட்டு, ஆதாரங்கள் அழிக்கப்பட்டன. விசாரணைகளின் முக்கிய சாட்சியான அசாத் மௌலானா மூலம், குண்டுவெடிப்பாளர்களுக்கு குண்டுகளை தயாரிப்பதற்குத் தேவையான பயிற்சி வழங்கப்பட்டது மட்டுமல்லாமல், தாக்குதல்களை நடத்துவதற்கு பாதுகாப்பு, பணம் மற்றும் பிற வசதிகளையும் வழங்கியதாக முழு உலகிற்கும் வெளிப்படுத்தியதாக கூறினார்.
தாக்குதல்களில் பாதிக்கப்பட்டவர்களின் குடும்ப உறுப்பினர்கள் உட்பட மக்களின் நம்பிக்கை இது. தாக்குதல் தொடர்பில் விசாரித்த அதிகாரிகள் தற்போது குற்றப் புலனாய்வுத் துறையில் மீண்டும் இணைக்கப்பட்டு, சரியான வழிகாட்டுதலின் கீழ் விசாரணைகளை மேற்கொண்டுள்ளனர்” என்றார்.
